E Ombudsman pa mucha

E Ombudsman pa mucha ta kontrolá si ta kumpli ku e derechonan di mucha i hóben na Hulanda. Esaki ta konta tambe pa Boneiru, Sint Eustatius i Saba.

E Ombudsman pa mucha ta paga tino si organisashonnan ta trata mucha bon: gobernashon, skol, kuido pa hubentut, kuido pa mucha i hospital. Bo por akudi serka Ombudsman pa mucha ku pregunta tokante derecho di mucha òf kehu si un persona no ta atene su mes naderecho di mucha.

Margrite Kalverboer ta e Ombudsman pa mucha. Tweede Kamer a nombra su persona komo Ombudsman pa mucha na aprel 2016. E no ta hasi su trabou susó; e ta traha ku un tim di 12 hende.

Derecho di mucha

Tur mucha i hoben tin derecho. E derechonan aki ta pará den e Tratado di Derecho di Mucha. Den e tratado aki di Nashonnan Uní tin akuerdo kon paisnan mester trata mucha i hóben i riba kiko mucha i hóben tin derecho.

E derechonan aki ta trata tur kos ku kual mucha i hóben tin di atende, desde nan nasementu te ku nan diesocho aña. E ta bay tokante skol, biba, salú, kreensha, mayor i amigunan. Pero tambe ta trata di abuso di mucha, trabou di mucha, guera i divorsio di mayor. E derechonan aki ta konta den kasi tur pais na mundu, por lo tanto tambe na Boneiru, Sint Eustatius i Saba.

Mas informashon i kontakto

Bo tin un kehu? Wak anto riba e wèpsait si bo por presentá esaki na Ombudsman pa mucha. Tambe pa mas informashon tokante Ombudsman pa mucha i e derechonan di mucha bo por akudi na nos wèpsait. Bo por tuma kontakto semper ku nos tambe. Akibou tin bou otro, kon bo por yega na nos:

  • E-mail: ombudswerk@dekinderombudsman.nl
  • Telefón: +31 70 8506 995. Tur dia di trabou te 11.00 uur (bo ora lokal). Si bo ta desea di komunika kunos via telefón, bo por manda un e-mail tambe ku bo number di telefón. Anto nos ta debolbe bo yamada.
  • Via post: de Kinderombudsman, Postbus 93122, 2509 AC Den Haag, Nederland