Bo ta tuma desishon importante pa un mucha?

Sea ku ta trata di saka un mucha for di su kas pa lag’e biba otro kaminda, seramentu di un mucha den un sèl di polis, òf e eskoho di skol pa un alumno outista: tur e desishonnan aki tin influensha riba e futuro di un mucha. Bo ta un ousiliante òf polis? Òf un dosente òf un stipuladó di maneho? E ora ei usa e toolkit E mihó desishon pa e mucha pa pone e interes di e mucha na promé lugá.

Pasobra, e toolkit tei pa tur hende ku profeshonalmente ta tuma desishon tokante mucha òf hóben. Pasobra seka kada desishon ta bo responsabilidat pa sa ku ken bo ta trata i pa investigá e interesnan di e mucha. Un bon desishon, segun e Komité di Derecho di Mucha, ta pidi un konsiderashon di interes metikuloso, sistemátiko i kompleto entre e interesnan di e mucha i otro interes eventual.

WKu e Tratado di Derecho di Mucha komo kòmpas nos ta alkansá ku mucha ta haña e bon desishonnan ku nan tin derecho riba dje i ku profeshonalnan atrobe por hasi e loke pakiko nan a skohe nan fishi.

- Margrite Kalverboer

E mucha mester por konta bo su relato bon i bo mester inkluí su vishon den e desishon. Preferiblemente bo ta investigá i balorá e interesnan di e mucha huntu ku un tim multidisiplinario. Bo mester tin atenshon pa e eventual riesgonan di bo desishon pa su futuro.

Kaba bo mester informá e mucha bèk tokante bo desishon na tal manera ku e ta komprondé e desishon. I mester ta kla pa e mucha kiko e por hasi kontra di esaki.

E toolkit ‘E mihó desishon’ ta yudábo kuminsá!

E toolkit aki di Ombudsman pa mucha ta yuda bo tuma e mihó desishon pa e mucha. Usa e toolkit na e diferente momentonan importante durante bo proseso pa yega na un bon desishon.

E toolkit ta konsistí di diferente rekurso. Un parti di e rekursonan bo ta usa komo profeshonal pa bo trabou, preferiblemente huntu ku e tim multidisiplinario. Un rekurso importante ta e Plan di paso E mihó desishon. Esaki ta yuda bo riba kaminda pa un desishon bon kontemplá. Otro tool ta intenshoná netamente pa usa huntu ku e mucha, manera e lista di pregunta i e checklist. Usa nan na momentonan importante, manera ora abo komo profeshonal ta drenta un kombersashon ku mucha, hóben i/òf nan mayornan (di kriansa) òf un konfidente. I espesialmente kompartí nan ku e muchanan i hóbennan ku ken bo tin e kòmbersashonnan!

E mihó desishon: awó i den futuro

Banda di e plan di paso e tim di Ombudsman pa mucha e añanan binidero huntu ku organisashonnan for di e domein di hubentut ta desaroyá otro rekurso tambe pa tuma bon desishon pa mucha. E rekursonan aki ta tantu pa profeshonalnan komo pa mucha i paso pa paso ta sintonisá nan riba e diferente sektornan, di enseñansa te polis.

Hopi bia tabata un dilema: e konseho aki bèrdaderamente ta e mihó desishon pa e mucha? No ta tur ora mi tabatin e kurashi di bisa ‘si’ di kurason. Ounke ku, ku e konosementu i informashon ku mi tabatin na e momento ei, tabata mi mihó desishon si. Mi tabata buska un kriterio èkstra pa motivá mi konsehonan. I mi a hañ’é den e Tratado di Derecho di Mucha!

- Margrite Kalverboer, tokante su tempu komo sientífiko di kondukta seka un institushon hudisial hubenil