Kon mi ta usa e pasonan aki den mi trabou komo profeshonal?
Desishon den 4 paso

"Ku un plan asina probablemente nos lo a inkorporá espasio na momentu di tuma un desishon difísil i nos lo tabatin mas espasio."
- Un partisipante di un pilot yudansa i plan di paso
Aki bou nos ta splika bo kon bo ta manehá un desishon den 4 paso di mihó. Man na obra ku e Plan di Paso E mihó desishon pa e mucha!
E interesnan di e mucha
Investigá kiko ta e di mihó pa e desaroyo di e mucha i envolví e mucha den esaki. More information about E interesnan di e mucha Less information about E interesnan di e mucha
E Komité di Derecho di Mucha ke pa tur profeshonal i instansha investigá segun e mésun metodologia kiko ta di mihó pa e mucha. Aki bo ta mira e karakterístikanan spesífiko di e mucha, su famia i su ambiente di biba. A base di artíkulo for di e Tratado di Derecho di Mucha e komishon a redaktá e siguiente checklist.
E siguiente 7 puntonan semper mester bini bèk den bo investigashon:
- Identidat di e mucha
Tokante ken bon mirá e desishon ta trata? Tene kuenta ku e mucha, pensa aki entre otro na religion, kultura, sekso i edat. - Opinion di e mucha tokante e situashon i e desishon ku lo tuma
Kiko e mucha mes ke i pakiko? - Mantenshon di e ambiente di famia i kontaktonan importante
Kiko e desishon ke men pa esun kaminda e mucha ta biba i pa e kontakto ku personanan importante den bida di e mucha? - Kuido, protekshon i seguridat
Ki influensha e desishon tin tokante e protekshon, kuido i seguridat di e mucha? - Mucha vulnerabel òf situashon ekstraordinario
Kon mester tene kuenta ku partikularidat èkstra manera un limitashon, trouma, státùs sosial òf un kosiente di inteligensia abou òf haltu? - Derecho di e mucha riba salubridat
Kiko e desishon ke men pa e mucha su salú? - Derecho di e mucha riba enseñansa
Ki influensha e desishon di sigui enseñansa (adekuá) tin?
Segun bo investigashon den e promé paso aki bo ta determiná kiko ta e di mihó pa e desaroyo di e mucha, banda di tur otro kos ku tambe ta pasando. Den esaki bo ta traha un balorashon di e konsekuenshanan di e desishon pa su futuro, tantu riba término kòrtiku komo largu.
Ainda bo no ta haña esaki fásil?
E ora ei pa bo investigashon huntu ku e mucha usa nos tools, manera e Kuestionario: Kiko mi ta haña importante? Di e manera aki huntu ku e mucha bo por investigá su situashon i haña sa kiko e ta haña importante.
Segun bo investigashon den e promé paso aki bo ta determiná kiko ta e mihó pa desaroyo di e mucha. Banda di tur otro kos ku tambe ta pasando. Den esaki bo ta traha un balorashon di e konsekuenshanan di e desishon pa su futuro, tantu riba término kòrtiku komo largu.
Otro interes
Klasifiká kua interes tambe ta hunga un ròl. More information about Otro interes Less information about Otro interes
Banda di e interesnan di e mucha bo tin di hasi ku otro interes tambe. Por ehèmpel kiko ta e deseonan di e mayornan, kiko e organisashonnan relatá ke i si tin sufisiente sèn pa e solushon deseá. Tambe por tin lei i regla ku ta forma un opstákulo pa e mihó solushon pa e mucha. Traha un lista di tur ‘interes no di mucha’ ku bo mester tene kuenta kuné den bo desishon. Esakinan por ta kontra e interes di e mucha.
Konsiderá e interesnan
Konsiderá kiko ta e mihó pa e desaroyo di e mucha i kiko mas ta importante. Pone e interes di e mucha dilanti den e kaso aki. More information about Konsiderá e interesnan Less information about Konsiderá e interesnan
Ta kla kiko ta e di mihó pa (e desaroyo di) e mucha i ki otro interes tambe ta relevante? E ora ei a base di e informashon aki bo por elaborá un kantidat di posibel desishon. Ora despues bo tuma un desishon, bo ta splika kla tambe pakiko bo a tuma e desishon aki. Den bo motivashon menta tur faktor ku bo a tene kuenta kuné i kon bo a konsiderá esakinan banda di otro. I reuní i klasifiká kon e interes di e mucha ta bini bèk den bo desishon. Ora bo tuma un desishon ku no ta esun di mihó pa e mucha bo mester motivá bo eskohonan èkstra. Di bèrdat no tin niun otro manera?
Splikashon di e desishon
Palabrá e desishon ku e mucha i konta e mucha si e por hasi algu kontra di esaki si e no ta di akuerdo, i si ta asina, kiko. More information about Splikashon di e desishon Less information about Splikashon di e desishon
Splika kada desishon importante na idioma ku e mucha por komprondé. No konta solamente kua desishon ku bo ta bai tuma, sino splika tambe kon bo a tuma e desishon i na ki manera bo a tene kuenta ku e mucha. E mucha no ta di akuerdo ku un desishon? E ora ei kont’é si por hasi algu kontra di e desishon i si t’asina, kiko e mucha òf su mayornan por hasi kontra esaki.
Paso 1 ta yuda pa mira e mucha di bèrdè mes. I no solamente e problema ku e mucha tin.
- Laura van den Heuvel, tim Ombudsman pa mucha
Bo tin duda òf bo mester di yudansa?
E Ombudsman pa mucha gustosamente ta pensa huntu ku bo. Yama +31 70 8506 995, mail ombudswerk@dekinderombudsman.nl òf bai dekinderombudsman.nl